Gastronomia

Gastronomia

Baliteke Euskal Herrira etortzea sukaldaritzarengatik. Bertako ekoizpenez egina da eta aho-zuriak asetuko ditu.
Gure sukaldaritza etxalde txikiko laborantza baten, jakitate, klima eta geografia berezi baten isla da.

Euskal Herrian nortasun handiko mozkinak ditugu: gasnak, biperrak, arnoak, xingarrak, erreka-arrainak, biskotxak, garagarnoak…

KINTOA

Euskal xerria Europako arraza zaharrenetakoa da. Beste batzuk bezala, desagertzeko zorian zen, beste arraza klasikoen eraginez (Large White, Landrace: xerri arrosak) emankorragoak direlako. Frantses Laborantza Ministerioak desagertzeko zorian aldarrikatu zuen, eta bizirik iraun du mendiko etxalde batzuek ondare amankomun horren alde borrokatu dutelako. JDB-a 2016ean erdietsi zuen.

Xehetasun gehiago hemen       

OSSAU IRATI JDB gasnak

Ipar Euskal Herrian JDB-a duten gasna bakarrak dira. Ossau Irati JDB-ko ekoizle guztiak Ipar Euskal Herrian eta Biarnoan kokatuak dira, eta gasna egiteko jakitate ber-bera dute. Gasna hauek ekoizteko baldintza orri zehatza bete behar dute. Horrek gasnek jatorrizko lekuarekin lotura  dutela bermatzen du. Gasna hauek egiteko bertako hiru ardi arrazen esnea erabil daiteke (buru-xuria, buru-gorria eta buru-beltza).

Nola hautatu Ossau Irati JDB-ko gasna?

Etxaldeko zigilua Etxaldeko Ossau Irati gasna: etxaldeko ardien esne gordinarekin egiten da.

Gasnategiko zigilua. Gasnategian egin Ossau Irati gasna: gasnategian egina da.

Xehetasun gehiago hemen 

 

Itsasuko gereziak

XX. mende hasieran Baionako saltzaileek Itsasun erosten zituzten gereziak. Gaur egun eta 1994ean sortu zenetik, Itsasuko Gerezi ekoizleen "Xapata" elkarteak zeregin handia betetzen du bertako gerezi motak babesteko, hain dira hemengo klimari egokituak. Besteak beste 2008an FRUITU-BARATZE KONTSERBATORIO bat sortu zuen eliza ondoan. Gereziaren historia aurkezten du eta bisita daiteke. Bestalde, SIQO ziurtagiri ofiziala eskuratzeko lanetan ari da, bere ospea babesteko.

Ekoizpen eremua ITSASU eta bere inguruko herrietara hedatzen da. Bilketa eskuz egiten da. Hainbat gerezi mota dugu hemen; gehien lantzen direnak hauek dira:

PELOA, azal gorri ilunetik beltzera, bihotz biribil forma du, erraz urtzen da eta gozoa da. XAPATA, azala horixkatik gorri argira doa, bihotz forma du, mami zurixka eta zukutsua du eta gozoa da. BELTXA beltz-ubela da, bihotz biribil forma du eta doi bat garratza da.
ITSASUko gerezi erreximentarekin OSSAU-IRATI gasna ezin hobeki lagunduko duzu.

Xehetasun gehiago hemen

Ezpeletako Biperra

Ezpeletako Biperra JDB: Ezpeletako biperra ingurune babestu batean loratzen da. Pirinioetako lehen malden kontra dago, JDB duten 10 herritan hedaturik, mikro-klima azpi-tropikalaz gozatzen du, euri ona, tenperatura goxo eta hego haizearekin.

Ezpeletako biperra egunerokoan erabiltzen da ! 

SOKETAN loturik, freskoa edo idorra, xingoletan mozturik gure biperra jaki, saltsa eta bizigarrietan erabiltzen dugu; baita oliba oliotan ere, baratxuria edo tipula bezala frijiturik. Salda guztietan eta bestelako prestakuntzetan ere ongi egokituko da. Soka idortzen uzten baduzu 2 hilabetez, biper hautsa egin dezakezu txiki-txiki xehaturik

Trikimailutxo bat: Biper sokak luzaz iraun dezan, leku aireztatu batean zintzilikatu behar duzu, eguzkitik babestuz.

HAUTS eginik, Ezpeletako Biperra azken unean gehituko diezu platerrei, bizitasuna eman eta aromak altxatzeko. Ezinbestekoa dugu mahai gainean eta biper beltzak airoski ordezkatzen du.
Mugarik gabe erabil dezakezu!

Trikimailutxo bat: zaporeak atxikitzeko, ontzi batean hets, eta leku fresko eta idor batean atxiki, argitik babestuz

Nola ezagutu Ezpeletako Biperra?

Sokek eta Hautsek labela dute. Ikur honekin ezagutuko dituzu. 

Logo AOP PE

Xehetasun gehiago hemen 

Ezpeletako Biperraren besta urtero urriko azken asteburuan ospatzen dugu.  2018an, urriaren 27 eta 28an izanen da